Ceardlann amhránaíochta ar an sean-nós, ar líne ag OÉ Gaillimh

Wednesday, 29 September 2021

Saileog Ní Cheannabháin, atá ceaptha mar Amhránaí Cónaitheach ag OÉ Gaillimh 2021
Saileog Ní Cheannabháin, Amhránaí Cónaitheach ag OÉ Gaillimh 2021

Cuirfear tús leis an dara sraith de cheardlanna amhránaíochta fiorúil ar an sean-nós le Saileog Ní Cheannabháin, atá ceaptha mar Amhránaí Cónaitheach ag OÉ Gaillimh 2021.

Beidh na ceardlanna a reachtáil gach Céadaoin ag 7:30in ar an 6ú, 13ú, 20ú, 27ú Deireadh Fómhair, agus an 3ú Samhna.

Is cainteoir Gaeilge ó dhúchas í Saileog a tógadh le Gaeilge i mBaile Átha Cliath. Is as Aill na Brón a hathair, an t-amhránaí clúiteach Peadar Ó Ceannabháin, agus is é Peadar an chéad fhonnadóir a chuaigh i bhfeidhm go mór uirthi. Chaith Saileog roinnt mhaith ama ó bhí sí an-óg ag éisteacht le fonnadóirí as Iorras Aithneach agus tá Seán 'ac Dhonncha, Sorcha Ní Ghuairim, Dara Bán Mac Donncha agus Seáin Jeaic 'ac Dhonncha i measc na bhfonnadóirí is mó a chuaigh i bhfeidhm uirthí. Tá dhá album eisithe ag Saileog I bhfíor-dheiriú oidhche (2012), cnuasach amhrán a bhailigh Séamus Ennis in Iorras Aithneach sna 1940idí agus Roithleán (2016).

Tá na ceardlanna saor in aisce agus beidh fáilte roimh chách. Cláraigh ar Zoom ag https://bit.ly/3ECELgp. Tuilleadh eolais ó Samantha Williams ag 091 492051 nó samantha.williams@nuigalway.ie

Is iad Ealaín na Gaeltachta, Údarás na Gaeltachta, An Chomhairle Ealaíon agus Ionad Léann na hÉireann, OÉ Gaillimh, a mhaoiníonn an tionscnamh seo.

-Críoch-

Keywords: Press.

Author: Marketing and Communications Office, NUI Galway
« Back


Featured Stories