Ard-Dioplóma sna Dána (Léann an Aistriúcháin)

Cód PAC:

Leibhéal an chúrsa:

Fad an chúrsa:

Líon áiteanna atá ar fáil:

Tús an chúrsa:

Cur síos ar an gClár

Le roinnt blianta anuas, tá borradh mór tagtha faoin nGaeilge mar theanga oifigiúil oibre anseo in Éirinn agus san Aontas Eorpach. Tá obair ar fáil anois do dhaoine a bhfuil Gaeilge acu nach raibh ar fáil dóibh cheana. Tá scileanna, oiliúint agus cáilíochtaí aitheanta riachtanach chun na poist ghairmiúla seo a fháil.
 
Tá an clár seo dírithe ar mhic léinn nár thug faoi Léann an Aistriúcháin sa bhunchéim ach ar mian leo cáilíocht aitheanta iarchéime a bhaint amach san ábhar. Ritheann an cúrsa seo thar bhliain acadúil amháin (Meán Fómhair go Meitheamh). Oireann an cúrsa do dhaoine a bhfuil ardscileanna teanga acu agus ar spéis leo gairm a shaothrú mar aistritheoir. Faigheann na mic léinn deis taithí oibre a dhéanamh, rud a thugann cleachtadh praiticiúil dóibh ar ghairm an aistriúcháin.

Tar éis an cúrsa seo a dhéanamh beidh deis ag mic léinn iarratas a dhéanamh ar an gcúrsa MA (Léann an Aistriúcháin) chun barr feabhais a chur ar na scileanna atá sealbhaithe acu le linn na bliana. Ní mór do mhic léinn 2.1 (i.e. 60%) a fháil sa chúrsa Ard-Dioplóma sna Dána (Léann an Aistriúcháin) le bheith i dteideal iarratas a dhéanamh ar an MA (Léann an Aistriúcháin).

Ábhar an chláir

• Ceart na Gaeilge
• Teicneolaíocht an Aistriúcháin 1
• Aistriúchán Closamhairc agus Scáileáin
• Aistriúchán Téacsanna

Aidhmeanna agus cuspóirí

• Tú a ullmhú mar aistritheoir ar ardchaighdeán a bhfuil na bunscileanna ar fad agat a theastaíonn chun tascanna aistriúcháin a dhéanamh go críochnúil;

• Go mbeadh ar do chumas oibriú faoi bhrú i ngrúpa nó as do stuaim féin, agus aistriúchán ar chaighdeán gairmiúil a dhéanamh laistigh de spriocdhátaí;

• Go mbeadh eolas agat ar na cineálacha éagsúla téacsanna a aistrítear go Gaeilge agus go mbeifeá in ann déileáil leo mar is cuí;

• Go mbeadh ar do chumas oibriú le huirlisí aistriúcháin ríomhchuidithe agus uirlisí leictreonacha téarmaíochta.

Meáchan ECTS

Ionad an chúrsa

Riachtanais iontrála

Bunchéim ag leibhéal 8 mar aon le caighdeán sásúil sa scrúdú iontrála.

Critéir roghnaithe 
 

Deiseanna Fostaíochta/gairme 

Tá deiseanna éagsúla gairme ann do dhaoine a mbeidh an clár seo déanta acu. Áirítear orthu sin fostaíocht le gníomhaireachtaí stáit agus cuideachtaí príobháideacha a chuireann seirbhísí aistriúcháin ar fáil. De thoradh Acht na dTeangacha Oifigiúla agus stádas nua na Gaeilge mar theanga oifigiúil oibre de chuid an Aontais Eorpaigh, beidh poist den scoth mar aistritheoirí agus mar ateangairí le fáil feasta in Éirinn agus san Aontas Eorpach. Baineann an-deiseanna féinfhostaíochta leis an aistriúchán freisin, go háirithe i gcomhthéacs an dul chun cinn sa nuatheicneolaíocht le tamall de bhlianta.

Iarratas a dhéanamh
ar an gcúrsa

Nasc Díreach

Tuilleadh Eolais   









                                         

Cassie Ní Chathasaigh,
Acadamh na hOllscolaíochta Gaeilge,
Ollscoil na hÉireann, Gaillimh,
An Cheathrú Rua,
Co. na Gaillimhe.

Fón:                          +353 91 869022           
Facs:                         +353 91 595041          
R-phost:                     aistriuoegaillimh.ie