Ard-Dioplóma sna Dana (Teicneolaíocht Faisnéise)

Cód PAC

                                            

GYA77 (Lánaimseartha)

Leibhéal an chúrsa

Fad an chúrsa

Líon áiteanna atá ar fáil

Cur síos ar an gClár

Tá teicneolaíocht na faisnéise ríthábhachtach i ngach gné de shochaí na linne seo agus tá sé mar straitéis eacnamaíoch ag an Stát béim láidir a chur ar an ngeilleagar eolas-bhunaithe sna blianta amach romhainn. Dá thoradh seo tá éileamh anois níos mó ná riamh ar dhaoine a bhfuil ardscileanna acu le córais ríomhaireachta a dhearadh, a fhorbairt, a chothabháil agus a riar.

Tugann an cúrsa seo an deis don iarrthóir na scileanna a aimsiú a chuirfeas ar a c(h)umas gairm bheatha a mhúnlú dó/di f(h)éin i réimse na teicneolaíochta faisnéise. Is deis í seo do dhaoine a bhfuil an Ghaeilge ar a dtoil acu agus a bhfuil spéis ar leith acu sa ríomhaireacht cúrsa sainiúil iarchéime a dhéanamh in Ionad an Acadaimh, an Cheathrú Rua, i nGaeltacht Chonamara.

Ábhar an chláir

Modúl                                                         Seimeastar            ECTS
Córais agus Feidhmchláir Ríomhaireachta      1                           5
Teicníochtaí Forbartha Ríomhchlarúcháin        1                           5
Ríomhchlárú & Forbairt Bogearraí I                 1                         10
Bunachair Shonraí                                        1                           5
Corais Oibriúcháin & Líonraí                          1                           5
Ríomhchlárú & Forbairt Bogearraí II II              2                         10
Fiontraíocht, Taighde agus Forbairt                 2                          5
Dearadh agus Anailís Oibiacht-Dírithe             2                          5
Teicneolaíochtaí Idirlín & Ilmheáin                   2                          5
Tionscadal Bogearraí                                     2                          5

Cúrsa feidhmeach atá i gceist agus tá 25 uaire a chloig teagmhála ar a mheán i gceist in aghaidh na seachtaine idir léachtaí, ranganna teagaisc, saotharlanna agus ceardlanna.

Deiseanna fostaíochta/gairme
 

Baineann céimithe an chláir fostaíocht amach mar lucht forbartha agus cothabhála bogearraí agus córais ríomhaireachta, mar shaineolaithe tacaíochta teicniúla agus mar theagascóirí nó mar shainchomhairleoirí i réimse na ríomhaireachta.

Cuireann leagan amach praiticiúil an chláir agus an tréimhse a chaitheann na rannpháirtithe le cuideachtaí faoi dheireadh an chláir go mór lena n-infhostaitheacht agus lena dtuiscint ar na réimsí sainiúla cuí.

Cuspóirí an chláir 

Ach a mbeidh an clár seo críochnaithe ag an mac léinn  beidh ar a c(h)umas bogearraí ríomhaireachta a dhearadh trí úsáid a bhaint as uirlisí ríomhaireachta nua-aimseartha. Gheobhaidh an mac léinn scileanna anailíse, pleanála, dearaidh agus forbartha a chuirfeas ar a c(h)umas feidhmiú go héifeachtach i raon leathan timpeallachtaí gnó ina bhfuil saineolas ar chórais ríomhaireachta ag teastáil.

Chomh maith le seo, beidh an mac léinn in ann leas a bhaint as scileanna cumarsáide agus bainistiú togra chun deiseanna fiontraíochta i gcúrsaí teicneolaíochta a thapú agus a fhorbairt, agus beidh inniúlacht aige/aice chun dul ar aghaidh in earnáil thaighde agus forbairt na teicneolaíochta faisnéise

Meáchan ECTS

Ionad an chúrsa

Riachtanais iontrála agus critéir roghnúcháin 

Táthar ag súil go mbeidh bunchéim Ollscoile (leibhéal 7 nó os a chionn) nó a comhionann de thaithí i.e cúig bliana de thaithí ghairmiúil (a áiríonn gnéithe láidir bainteach le réimse na ríomhaireachta nó na teicneolaíochta) ag iarrthóirí an chúrsa seo. Caithfidh cumas sásúil Gaeilge idir thuiscint agus labhairt a bheith ag iarratasóirí freisin. Cuirfear agallamh ar na hiarratasóirí.

Más mian leo, beidh deis ag rannpháirtithe a fhaigheann toradh 2.1 nó níos airde sa chúrsa dul ar aghaidh chuig an dara bliain den M.Sc. (Software Design & Development) ar champas na hOllscoile.

Socruithe maidir le scrúduithe

Déanfar measúnú ar gach aon ábhar trí scrúduithe ranga, trí shaotharlanna, trí mheasúnú leanúnaigh agus trí scrúduithe scríofa freisin.

Iarratas a dhéanamh
ar an gcúrsa

Déan iarratas ar líne, le do thoil, ag an suíomh http://www.pac.ie/ D’fhéadfadh athrú teacht ar spriocdháta an chúrsa. Tá eolas cothrom le dáta faoi spriocdháta na gcúrsaí uile le fáil ar an suíomh seo a leanas http://www.pac.ie/ nó http://www.oegaillimh.ie/acadamh 

Nasc díreach

Tuilleadh Eolais

An Dr Seathrún Ó Tuairisg,
Acadamh na hOllscolaíochta Gaeilge,
Carna, Co. na Gaillimhe.

Seathrún Ó Tuairisg / seathrun.otuairisgoegaillimh.ie / 095 32834 

Fón:              +353 95 32834  
R-phost:        seathrun.otuairisgoegaillimh.ie
Idirlíon:         http://www.oegaillimh.ie/acadamh