MA (Léann an Aistriúcháin)

Cód PAC

Leibhéal an chúrsa

Fad an chúrsa

Líon áiteanna atá ar fáil

Dáta Tosaithe:

Cur síos ar an gclár

Tá an clár seo dírithe ar dhaoine a dteastaíonn uathu cáilíocht aitheanta mháistreachta a bhaint amach i Léann an Aistriúcháin. Tugtar sáreolas ar cheird an aistriúcháin agus cuirtear an bhéim ar chleachtadh feidhmeach ar phróiseas an aistriúcháin. Is ball é an cúrsa seo de Líonra an EMT (an Chéim Mháistreachta Eorpach san Aistriúchán) agus é aitheanta dá réir ag Ard-Stiúrthóireacht Aistriúcháin an Choimisiúin Eorpaigh. 

Le roinnt blianta anuas, tá borradh mór tagtha faoin nGaeilge mar theanga oifigiúil oibre anseo in Éirinn agus san Aontas Eorpach. Tá obair ar fáil anois do dhaoine a bhfuil Gaeilge acu nach raibh ar fáil dóibh cheana. Tá scileanna, oiliúint agus cáilíochtaí aitheanta riachtanach chun na poist ghairmiúla seo a fháil.

Tá an clár seo dírithe ar mhic léinn a bhfuil Dara hOnóracha, Grád 1 bainte amach acu i Léann an Aistriúcháin nó sa Ghaeilge mar ábhar iomlán bunchéime ag leibhéal 8, mar aon le Dara hOnóracha, Grád 2 sa bhunchéim ina iomláine, agus ar mian leo cáilíocht mháistreachta a bhaint amach san ábhar. Tá sé dírithe freisin ar mhic léinn nár thug faoi Léann an Aistriúcháin sa bhunchéim ach a bhfuil Dara hOnóracha, Grád 1 bainte amach acu san Ard-Dioplóma sna Dána (Léann an Aistriúcháin). Ritheann an cúrsa seo ar feadh bliain iomlán féilire (Meán Fómhair go Lúnasa). 

Ábhar an chláir

Modúil 

• Cleachtadh Oibre
  
• Tionscadal / Tráchtas
  agus sé mhodúl díobh seo a leanas:
  
  • Stair agus Teoiric an Aistriúcháin
  • Aistriúchán Reachtaíochta
  • Teicneolaíocht an Aistriúcháin II
  • Ateangaireacht
  • An tAistriúchán Liteartha Comhaimseartha
  • An tAontas Eorpach
  • Modheolaíochtaí Taighde
    

Aidhmeanna agus cuspóirí

• Barr feabhais a chur ar scileanna atá sealbhaithe sa bhunchéim nó san Ard-Dioplóma;

• Eolas a chur ar shainréimsí de chuid an ábhair nach ndearnadh staidéar orthu roimhe seo sa bhunchéim ná san Ard-Dioplóma;

• Eolas mion a chur ar shaol oibre an aistritheora trí chleachtadh oibre struchtúrtha.

Meáchan ECTS

Ionad an chúrsa

Riachtanais iontrála

Dara hOnóracha, Grád 1 san ábhar bunchéime Léann an Aistriúcháin mar aon le Dara hOnóracha, Grád 2 sa bhunchéim ina hiomláine

Dara hOnóracha, Grád 1 san Ard-Dioplóma (Léann an Aistriúcháin)

Dara hOnóracha, Grád 1 san ábhar bunchéime Gaeilge nó Nua-Ghaeilge ag leibhéal 8 mar aon le Dara hOnóracha, Grád 2 sa bhunchéim (leibhéal 8) ina hiomláine, mar aon le caighdeán sásúil cruinnis i scríobh na Gaeilge a bheidh le cruthú i scrúdú iontrála.

Critéir roghnaithe

Deiseanna fostaíochta/gairme

De thoradh Acht na dTeangacha Oifigiúla 2003 agus stádas nua na Gaeilge mar theanga oifigiúil de chuid an Aontais Eorpaigh ón 1 Eanáir 2007, beidh poist den scoth mar aistritheoirí le fáil sna blianta seo romhainn in Éirinn agus in institiúidí an AE. Tá deiseanna gairme ar fáil le comhlachtaí stáit agus príobháideacha a chuireann seirbhísí aistriúcháin ar fáil agus baineann an-deiseanna féinfhostaíochta leis an aistriúchán freisin, go háirithe i gcomhthéacs an dul chun cinn sa nuatheicneolaíocht le tamall de bhlianta. Baineann an-tábhacht anois le cáilíochtaí aitheanta ollscoile chun na deiseanna fostaíochta seo a thapú.

Iarratas a dhéanamh
ar an gcúrsa

Nasc díreach

Tuilleadh eolais 









                                         

Cassie Ní Chathasaigh,
Acadamh na hOllscolaíochta Gaeilge,
Ollscoil na hÉireann, Gaillimh,
An Cheathrú Rua,
Co. na Gaillimhe.

Fón:         +353 91 869022  
Facs:        +353 91 595041 
R-phost:      aistriuoegaillimh.ie  
Idirlíon:       http://www.acadamh.ie/