View in English   Leagan Téacs  Zúmáil (-) (+)   Amharc ( Normálta Ardchodarsnacht ) Priontáil  A go Z  Léarscáil an tSuímh

BA (GAEILGE FHEIDHMEACH) (Páirtaimseartha)

Príomhghnéithe an chúrsa

Cur síos ar an gcéim: Is céim nua í seo sa Ghaeilge Fheidhmeach. Tá sí á tairiscint i gcomhpháirt ag Acadamh na hOllscolaíochta Gaeilge agus ag Roinn na Gaeilge in Ollscoil na hÉireann Gaillimh.   Is é seo an t-aon chlár dá leithéid in Éirinn ina bhfuil céim sa Ghaeilge á tairiscint trí mheán na foghlama cumaiscthe. Is é aidhm na céime spéis an mhic léinn i léann agus i saol na Gaeilge a mhúscailt agus a threisiú agus oiliúint ar ardchaighdeán a chur ar an mac léinn sna réimsí seo. Beidh modh seachadta an chúrsa solúbtha ionas nach gcuirfear ualach míréasúnta taistil ar dhaoine. Cé air a bhfuil an chéim seo dírithe? Tá an clár seo dírithe go háirithe ar fhoghlaimeoirí lánfhásta nach bhfuil aon cháilíocht tríú leibhéal acu. Is féidir le daoine a mbíonn teastas nó dioplóma faighte acu cheana an clár seo a dhéanamh chun céim a bhaint amach agus tabharfar aitheantas cuí do na cáilíochtaí atá bainte acu cheana. Cuirfear fáilte roimh dhaoine a bhfuil céim acu cheana chomh maith faoin scéim Dána Ócáideacha.

Cáilíocht a bhainfear amach:

Tá dhá leibhéal sa chlár céime seo. Bronnfar Dioplóma (NQAI leibhéal 7) ar mhic léinn a chríochnaíonn an chéad dhá bhliain den chlár (i.e. 90 ECTS). Bronnfar céim (NQAI leibhéal 8) ar mhic léinn a chríochnaíonn na ceithre bliana den chúrsa (i.e. 180 ECTS).
 

Cé mar a dhéanfar an chéim a sheachadadh?

Seachadfar an chéim ar bhonn páirtaimseartha thar cheithre bliana agus bainfear leas as foghlaim chumaiscthe lena tairiscint. Déanfar an clár a theagasc trí fhoghlaim chumaisc ar bhonn modúlach. Tabharfar deis d’fhoghlaimeoirí a gclár ama agus a n-ualach oibre a chur in oiriúint dá stíl mhaireachtála agus d'aon tiomantais eile a bheidh orthu ó thaobh ama de. Cuirfear ábhar priontáilte agus ábhar ar-líne ar fáil do gach modúl. Tabharfaidh na teagascóirí tacaíocht agus aiseolas dóibh ag seisiúin éagsúla aghaidh-ar-aghaidh. Tabharfaidh siad tacaíocht agus aiseolas ar-líne trí úsáid a bhaint as ríomhphost agus fóraim phlé mar mhalairt air sin.

Clúdóidh siollabas na céime:

• ceartúsáid na teanga;
• cúrsaí litríochta, béaloideas agus stair chultúrtha;
• gnéithe den aistriúchán agus den iriseoireacht.

Fad an chúrsa:

Cúrsa páirtaimseartha thar cheithre bliana

Modh Staidéir:

Foghlaim Chumaiscthe

Tús an chúrsa:

Meán Fómhair 2011

Táillí:

€3055

Líon áiteanna atá ar fáil:

60

Deiseanna Fostaíochta i réimse na Gaeilge:

Téann céimithe le Gaeilge ag obair i réimse leathan post, ina measc:

• Múinteoireacht
• An earnáil phoiblí, an earnáil ghnó
• An Státseirbhís, An Roinn Gnóthaí Eachtracha
• Riarachán áitiúil
• Na meáin chumarsáide – TG4, Raidió na Gaeltachta
• Eagraíochtaí Gaeilge agus Gaeltachta
• Margaíocht agus cumarsáid
• Aistriúchán

Riachtanais Iontrála

Fáilteofar roimh iarratais ó dhaoine a bhfuil Gaeilge ar a dtoil acu. Beidh grád C3 (ardleibhéal) sa Ghaeilge riachtanach. Sásaíonn sé sin gnáthriachtanais iontrála na hOllscoile.

Is féidir le hiarratasóirí a bhíonn os cionn 21 bliain d’aois an 1 Eanáir den bhliain iontrála, iarratas a dhéanamh mar fhoghlaimeoirí lánfhásta. Sa chás seo, ní gá go mbeadh an Ardteist riachtanach. Cuirfear iarratasóirí faoi agallamh agus bunófar an toradh ar chumas cumarsáide an iarratasóra san agallamh sin.

Ábhair an chláir

Déanfar an clár a theagasc trí fhoghlaim chumaisc ar bhonn modúlach. Tabharfar deis d’fhoghlaimeoirí a gclár ama agus a n-ualach oibre a chur in oiriúint dá stíl mhaireachtála agus d'aon tiomantais eile a bheidh orthu ó thaobh ama de. Cuirfear ábhar priontáilte agus ábhar ar-líne ar fáil do gach modúl. Tabharfaidh na teagascóirí tacaíocht agus aiseolas dóibh ag seisiúin éagsúla aghaidh-ar-aghaidh. Tabharfaidh siad tacaíocht agus aiseolas ar-líne freisin trí úsáid a bhaint as ríomhphost agus fóraim phlé mar mhalairt air sin.

Bliain 1	Bliain 2
Cruinneas na Gaeilge Scileanna Staidéir An Prós Comhaimseartha Stair na Meán Gaeilge Caitheamh Aimsire agus Siamsaíocht na nDaoine An Ghaeilge i saol na tíre Uirlisí an Aistriúcháin agus na Téarmaíochta An Scríbhneoireacht Acadúil	Cruinneas na Gaeilge Litríocht chomhaimseartha na Gaeilge Na hEalaíona Traidisiúnta Stair an Aistriúcháin Forbairt Phobail
Bliain 3	Bliain 4
Cruinneas na Gaeilge Litríocht thraidisiúnta na Gaeilge Aistriúchán Feidhmeach Téacsanna Teicneolaíochtaí na Meán	Cruinneas na Gaeilge Litríocht na hImirce Eagarthóireacht agus Léamh Profaí An tSochtheangeolaíocht Togra taighde

Riachtanais agus an Córas Measúnachta 
       

Beidh ar mhic léinn freastal ar cheardlanna míosúla ar phríomhchampas na hOllscoile (tráthnóna Dé hAoine agus/nó Dé Sathairn). Caithfidh mic léinn a bheith páirteach i ndíospóireachtaí agus fóraim phlé ar-líne i rith na bliana acadúla uilig. Measúnófar na modúil uilig ar bhonn aonarach. De ghnáth bunófar na measúnaithe seo ar imeachtaí i rith an mhodúil chomh maith le haiste nó togra scríofa ag deireadh an tseimeastair.

Láthair

Na hionaid ina mbeidh na ranganna teanga ar siúl go seachtainiúil (ag brath ar éileamh):

• Campas na hOllscoile, Ollscoil na hÉireann, Gaillimh
• Acadamh na hOllscolaíochta Gaeilge, An Cheathrú Rua, Co. na Gaillimhe.
• Acadamh na hOllscolaíochta Gaeilge, Páirc Ghnó an Údaráis, Gaoth Dobhair, Co. Dhún na nGall.
• Acadamh na hOllscolaíochta Gaeilge, Carna, Co. Na Gaillimhe.
• Inis
• Cora Droma Rúisc
• Caisleán an Bharraigh
• Ráth Cairn
• Béal Feirste
• Baile Átha Cliath
• Ciarraí
• Ceatharlach

Tuilleadh eolais

Éamon Ó Cofaigh
Acadamh na hOllscolaíochta Gaeilge
Ollscoil na hÉireann, Gaillimh
Gaillimh
Fón: 353 91 493802
R-phost: eamon.ocofaighoegaillimh.ie
Idirlíon: www.oegaillimh.ie/acadamh 

Fiona de Paor
Roinn na Gaeilge
Ollscoil na hÉireann, Gaillimh
Gaillimh
Fón: 353 91 492564
R-phost: fiona.depaoroegaillimh.ie
Idirlíon: www.oegaillimh.ie/gaeilge 

Tá bróisiúr an BA (Gaeilge Fheidhmeach) ar fáil le híoschóipeáil i bhfoirm PDF anseo.

 

• Séanadh
• Ráiteas Príobháideachta
• Cóipcheart
• Inrochtaineacht