An Dr. John Walsh, BA, MA, PhD, Teastas Iarchéime - Léachtóir agus Leas-Déan Taighde, Coláiste na nDán, na nEolaíochtaí Sóisialta & an Léinn Cheiltigh

Sonraí teagmhála

Seomra: 209

Teileafón: (091) 492563

Fón: 2563 

Ríomhphost: john.walshoegaillimh.ie

Beathaisnéis acadúil

Tá an Dr. John Walsh freagrach go príomha as cúrsaí sa tsochtheangeolaíocht a mhúineadh ag leibhéal na bunchéime agus na hiarchéime. Tá dochtúireacht aige sa tSocheolaíocht ó Ollscoil Chathair Bhaile Átha Cliath faoi thionchar na Gaeilge ar fhorbairt shocheacnamaíoch na hÉireann. Roimhe sin, rinne sé céim MA sa Chaidreamh Idirnáisiúnta (Socheolaíocht, Polaitíocht, Dlí) san ollscoil chéanna.

Tá céim BA sa Ghaeilge agus sa Bhreatnais aige ón gColáiste Ollscoile, Baile Átha Cliath. Roimhe seo, d’oibrigh sé mar léachtóir Gaeilge in Ollscoil Chathair Bhaile Átha Cliath, leis an mBiúró Eorpach do Theangacha Neamhfhorleathana sa Bhruiséil agus mar iriseoir le RTÉ agus le TG4. 

I 2012, ceapadh é in Leas-Déan Taighde, Coláiste na nDán, na nEolaíochtaí Sóisialta agus an Léinn Cheiltigh. An bhliain chéanna, bhronn OÉ Gaillimh Teastas Iarchéime i dTeagasc agus Foghlaim san Ard-Oideachas air.

Tá John Walsh in Chomhstiúrthóir ar an Meitheal um Theagasc na Gaeilge ar an Tríú Leibhéal a bhfuil siollabas nua teanga don Ghaeilge deartha aici. Breis eolais anseo.  

Cúrsaí a bhfuil sé freagrach astu

• An Ghaeilge in Éirinn agus in Albain (bliain 1)
• An tSochtheangeolaíocht 1 (bliain 2)
• Litríocht na hImirce (bliain 2)
• An tSochtheangeolaíocht 2 (bliain 3)
• An Ghaeilge sna Meáin Chumarsáide (bliain 3)
• Gnéithe den tSochtheangeolaíocht (MA)
• Canúineolaíocht na Gaeilge (MA)
• The Celtic Languages in the Modern World (An tSibhialtacht Cheilteach, bliain 2).

TAIGHDE

Ar na spéiseanna taighde atá aige tá: beartas teanga i gcás na Gaeilge, idé-eolaíocht teanga, reachtaíocht teanga, nuachainteoirí na Gaeilge, coincheap na Breac-Ghaeltachta, an chanúineolaíocht, meáin chumarsáide do mhionteangacha agus teanga agus forbairt shocheacnamaíoch. Foilsíodh a leabhar is déanaí Contests and Contexts: the Irish language and Ireland's socio-economic development i 2011 ( Peter Lang) agus tá go leor  foilseachán eile aige chomh maith. 

I 2009, ceapadh ina Scoláire Gaeilge Fulbright in Ollscoil Chalifornia, Santa Cruz é. Breis eolais anseo. Is ball é de ghréasán taighde faoi rialachas teanga atá lonnaithe in Ollscoil Ottawa, Ceanada. Breis eolais anseo. Tá ballraíocht aige i gcumainn éagsúla ghairmiúla agus chultúrtha:

• Cumann na Teangeolaíochta Feidhmí
• Cumann Merriman
• Cumann Socheolaíochta na hÉireann

Glacann sé páirt rialta i ndíospóireachtaí faoin nGaeilge sna meáin chumarsáide, go háirithe ar RTÉ Raidió na Gaeltachta agus TG4.

• Séanadh
• Ráiteas Príobháideachta
• Cóipcheart
• Inrochtaineacht