An Dr. John Walsh, BA, MA, PhD - Léachtóir 

Sonraí teagmhála

Seomra: 209

Teileafón: (091) 492563

Fón: 2563 

Ríomhphost: john.walshoegaillimh.ie

Beathaisnéis acadúil

Tá an Dr. John Walsh freagrach go príomha as cúrsaí sa tsochtheangeolaíocht a mhúineadh ag leibhéal na bunchéime agus na hiarchéime. Tá dochtúireacht aige ó Ollscoil Chathair Bhaile Átha Cliath faoi thionchar na Gaeilge ar fhorbairt shocheacnamaíoch na hÉireann. Roimhe sin, rinne sé céim MA sa Chaidreamh Idirnáisiúnta (Socheolaíocht, Polaitíocht, Dlí) san ollscoil chéanna.

Tá céim BA sa Ghaeilge agus sa Bhreatnais aige ón gColáiste Ollscoile, Baile Átha Cliath. Roimhe seo, d’oibrigh sé mar léachtóir Gaeilge in Ollscoil Chathair Bhaile Átha Cliath, leis an mBiúró Eorpach do Theangacha Neamhfhorleathana sa Bhruiséil agus mar iriseoir le RTÉ agus le TG4. 

Tá John Walsh in Chomhstiúrthóir ar an Meitheal um Theagasc na Gaeilge ar an Tríú Leibhéal a bhfuil siollabas nua teanga don Ghaeilge deartha aici. Breis eolais anseo.  

Cúrsaí atá á múineadh aige faoi láthair

• An Ghaeilge in Éirinn agus in Albain (bliain 1)
• Teanga na Gaeilge (bliain 2)
• An tSochtheangeolaíocht 1 (bliain 2)
• Teoiricí Liteartha agus Cultúrtha (bliain 2)
• An tSochtheangeolaíocht 2 (bliain 3)
• An Ghaeilge sna Meáin Chumarsáide (bliain 3)
• Gnéithe den tSochtheangeolaíocht (MA)
• Reachtaíocht Teanga agus an Ghaeilge (MA)
• Modhanna Taighde ( MA sa Nua-Ghaeilge)

TAIGHDE

Ar na spéiseanna taighde atá aige tá: polasaí agus pleanáil teanga i gcás na Gaeilge, reachtaíocht teanga, coincheap na Breac-Ghaeltachta, saothrú na téarmaíochta do mhionteangacha, meáin chumarsáide do mhionteangacha agus teanga agus forbairt shocheacnamaíoch. Foilsíodh a leabhar is déanaí Contests and Contexts: the Irish language and Ireland's socio-economic development i 2011 ( Peter Lang) agus tá go leor  foilseachán eile aige chomh maith. 

I 2009, ceapadh ina Scoláire Gaeilge Fulbright in Ollscoil Chalifornia, Santa Cruz é. Breis eolais anseo.

Is ball é de ghréasán taighde faoi rialachas teanga atá lonnaithe in Ollscoil Ottawa, Ceanada. Breis eolais anseo.

Tá ballraíocht aige i gcumainn éagsúla ghairmiúla agus chultúrtha:

• Cumann na Teangeolaíochta Feidhmí
  
• Cumann Merriman
• Cumann Tíreolaíochta na hÉireann
• Cumann Socheolaíochta na hÉireann
• Federation for Endangered Languages

Glacann sé páirt rialta i ndíospóireachtaí faoin nGaeilge sna meáin chumarsáide, go háirithe ar RTÉ Raidió na Gaeltachta agus TG4.

• Séanadh
• Ráiteas Príobháideachta
• Cóipcheart
• Inrochtaineacht