Teastas/Dioplóma i Léann an Bhéaloidis 

Achomaire

• Páirtaimseartha: Aon oíche amháin sa tseachtain ar feadh trí huaire an chloig.
  • Thar bhliain amháin acadúil leis an Teastas a chur i gcrích.
  • Thar dhá bhliain acadúil leis an Dioplóma a chur i gcrích.
• Tosach: Deireadh Fomhair 2006.

Cur síos ar an gclár

Is réimse suntasach de chultúr aon phobal é an friotal traidisiúnta a chuirtear ar phróiseanna intinne mar aon le gníomhaíochtaí agus iompar a bhuanaítear orthu.

Soláthraíonn na rudaí seo léiriú sainiúil ar thaithí saoil, ar chumas ealaíne, ar íogaireacht teanga agus ar lón intinne an phobail a chothaíonn agus a sheachadann iad.

.

Tá cur amach ag go leor daoine ar ghnéithe dá dtraidisiún cultúrtha féin agus spéis acu ann, rud a fhágann gur ábhar an-fheiliúnach d'oiliúint leanúnach saoil é léann an traidisiúin.

Soláthraíonn an cúrsa seo eispéaras foghlama agus oideachasúil i ngnéithe den réimse léinn seo, ag díriú go háirithe ar thraidisiún an cheantair ina bhfuil an cúrsa á reáchtáil.

Cuirfear san áireamh aon cheantar Gaeltachta, a bhfuil dáréag mac léinn ar a laghad sásta freastal ar an gcúrsa, nuair a bheidh beachtú á dhéanamh ar an ionad ina soláthrófar an Dioplóma sna blianta 2006 go 2008.

Is i gcomhar le hAcadamh na hOllscolaíochta Gaeilge atá an cúrsa seo á reáchtáil.

Aidhmeanna agus cuspóirí

Tá an cúrsa seo dírithe ar dhaoine ar spéis leo cur lena n-eolas ar an ábhar agus tuiscint níos fearr a fháil ar réimsí éagsúla dá n-oidhreacht, go mór mór ar thraidisiún a gceantar féin.

Beidh an cúrsa tarraingteach go háirithe dóibh siúd atá ag feidhmiú in earnáil na turasóireachta cultúrtha agus in eagraíochtaí pobalbhunaithe.

Seo aidhmeanna an chúrsa go hachomair:

• Freastal ar spéis san oidhreacht chultúrtha le béim ar an oidhreacht áitiúil.
• Tuiscint a thabhairt ar shaibhreas an traidisiúin tri dhíriú isteach ar réimsí éagsúla de.
• Traidisiúin áitiúla a chur i gcomparáid le traidisiúin níos leithne na tíre.
• Spreagadh a thabhairt d’oiliúint leanúnach saoil.

Meáchan ECTS

• Teastas: 15 ECTS.
• Dioplóma: 30 ECTS.

Riachtanais iontrála

Níl aon riachtanas iontrála don chúrsa seo.

Fáilteofar roimh iarratais ó dhaoine a bhfuil Gaeilge mhaith acu agus suim acu i gcultúr traidisiúnta na hÉireann.

Próiseas measúnachta

Beidh aiste le scríobh agus togra obair pháirce le cur i gcrích i ngach modúl.

Ionad an chúrsa

Reáchtálfar an cúrsa seo in Ionad Charna de chuid Acadamh na hOllscolaíochta Gaeilge agus in ionad seachtarach, atá le fógairt go luath, i gContae Chiarraí.

Fiosrúcháin

An Rúnaí, Roinn na Gaeilge, Ollscoil na hÉireann, Gaillimh, Cathair na Gaillimhe. Guthán: 00 353 91 524 411. Folíne: 2564. R-phost: fiona.depaoroegaillimh.ie.

Dónal Ó Droighneáin, Ionad an Acadaimh: Carna, Carna, Co. na Gaillimhe. Guthán: 353 95 328 34. Facs: 353 95 328 36. R-phost: donal.odroighneainoegaillimh.ie.

Ábhar an chláir

• Séanadh
• Ráiteas Príobháideachta
• Cóipcheart
• Inrochtaineacht