MA/Dioplóma Iarchéime (Ateangaireacht Chomhdhála) / (Conference Interpreting)

Click here for English version

Dáta measúnaithe: Moltar iarratas a dhéanamh go luath—mar thoradh air seo d’fhéadfaí tairiscint luath a fháil,
tuilleadh eolais ar http://www.nuigalway.ie/postgrad/closingdates

Is é aidhm an chláir seo mic léinn a oiliúint chun an t-éileamh idirnáisiúnta d'ateangairí comhdhála cáilithe a shásamh. Tá an clár bunaithe ar an gCéim Mháistreachta Eorpach in Ateangaireach Chomhdhála, a forbraíodh i gcomhar le hinstitiúidí an Aontais Eorpaigh, an fostóir ateangaireachta is mó ar domhan.

Déantar dianchleachtadh ar cheird na hateangaireachta agus ag deireadh an chúrsa, bíonn na mic léinn ábalta léiriú líofa, éifeachtach a thabhairt ar óráid go leantach agus go comhuaineach. Chun mic léinn a ullmhú don saol gairmiúil dírítear ar scileanna cumarsáide, glóroiliúint, mar aon le nósanna eitice/imeachta comhdhála, cleachtais agus dálaí oibre. Déanfar staidéar ar chúrsaí reatha, ar phróisis agus nósanna imeachta an A.E. agus eagraíochtaí idirnáisiúnta eile.

Tá an Ghaeilge, an Béarla, an Fhraincís agus an Ghearmáinís á dtairscint ar an gclár i mbliana ach is féidir ranganna i dteangacha éagsúla eile a chur ar fáil ag brath ar riachtanais na mac léinn.

Modúl

Teoiric agus Cleachtas na hAteangaireachta
Ateangaireacht Leantach 1
Ateangaireacht Chomhuaineach 1
An tAontas Eorpach/Cuairt Staidéir
Ateangaireacht Leantach 2
Ateangaireacht Chomhuaineach 2
Tionscadal/Tráchtas*

*Ag deireadh an chláir, beidh tionscadal nó tráchtas le scríobh ag mic léinn M.A. a n-éiríonn leo 60% a bhaint amach sa Dioplóma Iarchéime, bunaithe ar thaighde ar ghné éigin den ateangaireacht.

Déanfar staidéar ar an dá chineál ateangaireachta ar an gcúrsa, is é sin ateangaireacht leantach agus ateangaireacht chomhuaineach. Ag deireadh an chúrsa, beidh na mic léinn in ann léiriú líofa, éifeachtach sa sprioctheanga a thabhairt ar óráid; bainfear úsáid as cleachtaí éagsúla chun oiliúint sna scileanna seo a thabhairt do na mic léinn: anailís ar an ábhar; cleachtaí cuimhne; ateangaireacht leantach gan nótaí; aistriúchán le hamharc; teicnící um breacadh nótaí.

Déanfar staidéar freisin le linn an chúrsa ar an Aontas Eorpach agus eagraíochtaí idirnáisiúnta; scrúdófar an chaoi a bhfeidhmíonn na heagraíochtaí sin ionas go mbeidh eolas maith ag na mic léinn ar phróisis agus nósanna imeachta na n-institiúidí atá i gceist.

Chomh maith leis an obair ranga, eagróidh an Ollscoil seachtain staidéir chuig Coimisiún na hEorpa agus Parlaimint na hEorpa chun léargas a thabhairt do na mic léinn ar obair na n-ateangairí comhdhála sna hinstitiúidí sin.

Ag deireadh an chláir, beidh tionscadal nó tráchtas le scríobh ag mic léinn M.A. a n-éiríonn leo 60% a bhaint amach sa Dioplóma Iarchéime, bunaithe ar thaighde ar ghné éigin den ateangaireacht